Иницијативата „Тетово сака парк“ одржа јавна трибина на која граѓаните се запознаа со детали околу предлогот за формирање на нов градски парк, а се слушнаа и мислење на гости-стручни лица од областа на урбанизамот и планирањето. Дел од граѓаните побараа одговори околу соработката со општината, уредувањето на имотно правните односи и слично.
Дивна Пенчиќ, универзитетски професор од Катедра за урбанизам при Архитектонски факултет Скопје поддржувајќи ја иницијативата посочи дека на денешницата градовите создаваат повисоки вредности во форма на стратегии и планови со кои се наоѓа начин и насоки како да се создаде поквалитетен живот во тоа населено место.
-Се прават стратегии и визија за развој кои ќе понудат квалитет на живот, за среќа, за здравје на граѓаните, денес плановите се прават како документ кој што се изработува да се знаат условите како правила, пример како да се возиили да играат шах. Планирањето се прави така да го разберат граѓаните на Тетово. Затоа првин е потребен е чекор кон развивање на визија и стратегија за Тетово, а тоа е потребно зошто од сите градови во Македонија на Тетово му недостигаат многу работи, рече Дивна Пенчиќ.
Душица Трпчевска Анѓелковиќ, просторен планер и урбанист од Агенција за планирање на простор констатираше дека во Тетово има девалвација на урбаниот концепт и затоа се потребни вакви иницијативи за формирање на паркови кои се едни од главните одлики на современо урбано место за живеење.
-Постои отсуство на стратегија за локален развој со оглед дека последниот ГУП е од 2003. Како дел од Агенцијата за планирање на простор знам дека имаше општината обиди да пристапи кон урбанизирање на простори во градот но со документи како што се локална планска документација кои се далеки понетранспарентни и со помал опфат. Со добро менаџирање секој ќе биде задоволен и градот и локалната власт и граѓаните и Тетово ќе да стане хуман и убав град да се врати на она што беше, посочи на дебатата Душица Трпчевска Анѓелковиќ.
Иницијаторите пред присутните обаснија детали на четири клучни прашања кои се појавија во јавноста околу сопственоста на урбаните блокови каде се планираа паркот, како да се создаде паркот, дали има или нема политичка позадина на иницијативата и можноста за алтернативни локации.
ас
