43 годишник од тетовското село Боговиње пријавил дека вчера околу 18 часот и 30 минути, во близина на клучката за Камењане, по претходна вербална расправија во врска со нерасчистени должничко-доверителни односи, со возило бил удрен од 48-годишниот гостиварец Ќ.М. Се работи на расчистување и документирање на случајот, информира СВР Тетово.
Исто така вчера 25 август во Секторот за внатрешни работи Тетово, Р.У.(24) од тетовското село Теново пријавил дека истиот ден околу 15 часот и 30 минути физички бил нападнат од Р.С.(31) од тетовско Долно Палчиште, А.Х.(26) од Теново и едно женско лице. 31 годишникот бил лишен од слобода, додека 26 годишнико сам се пријавил во Полициската станица Тетово. Тие биле задржани за понатамошна постапка.
Вчера 25 август околу 13 часот, на локалниот пат Доброште-Нераште, патничко моторно возило „Опел астра“ со тетовски регистарски ознаки, управувано од 28-годишната А.Е. од тетовското село Доброште, излетало од коловоз. При тоа, возачот, сопатничката Б.М.(63) и двајца малолетници се здобиле со повреди и биле пренесени во тетовската клиничка болница за укажување на лекарска помош.
