Советот на општина Тетово усвои план и програма за работа на јавното претријатие за превоз на патници „Тетово Транспорт“, но раководството тврди дека за да почне со работа им треба дозвола и од Министерствата. Одлуката беше донесена на денешната шеста седница на Советот.
-Сега чекаме Министерството за информатичко општество и администрација да даде одговори за систематизацијата на вработените во ова претпријатие. Ќе почне многу брзо превозот кога ќе добиеме одговор од Министерството. Верувам дека ќе имаме брз одговор, во рок од две недели и потоа ќе започнеме со работа со јавниот превоз во Тетово. Значи кога ќе се систематизираат работниците на работните места во претпријатието. Ова и беше причината за привремениот прекин на јавниот превоз, изјави директорот на Јавното претријатие „Тетово транспорт“, Рафиз Мејдија.
Јавниот градски автобуски превоз во Тетово преку новото претријатие и нови автобуси започна да се одвива на 16 август 2021 во време на претходната градоначалничка. На 7 декември 2021 општината под раководство на Билал Касами, извести дека времено ќе биде прекинат јавниот превоз со автобуси низ градот.
Во усвоениот план и програма е наведено дека во функција ќе бидат ставени сите пет автобуси на три линии за јавен превоз. Патниците ќе можат да ги користат автобусите во работните денови од 06:00 до 22:00 часот.
ас
