Без повредени лица но со материјална штета поминала сообраќајна незгода, а во која во едно од возилата се наоѓал и министерот за култура Хусни Исмаили од Тетово,дознава Тетово инфо.Сообраќајката се случила околу 16 часот и 30 минути во близина на тетовската наплатна рампа на автопатот Тетово-Гостивар.
-Се случила сообраќајна незгода во која учествувале возило марка пасат управувано 56 годишник од Тетово и камион влекач управуван од Е.К (55) од Гостивар. Пасатот е со скопски регистерски таблици, а камионот со гостиварски ознаки. Немало повредени, а предизвикана е материјална штета, информираат од СВР Тетово.
По сообраќајниот инцидент започнат е увид од страна на полициски службеници.
