Градоначалничката на Тетово, Теута Арифи одржа прес конференција за да се обрати пред медиумите со осврт на сработеното во 2019 година. Таа ги наброја, како што рече најважните проекти, во инфраструктрата, образованието, животната средина и други области.
-Годината што ја оставаме зад себе несомнено ги носи со себе предизвиците и можностите со кои се залагавме да го направиме Тетово град што се развива, расте и доживува синхронизиран и многу природен социјален, економски и инфраструктурен напредок. Затоа, како и досега, поставивме цели и политики за одржлив и долгорочен развој, затоа што проблемите што ги наследивме бараа сигурни, добро осмислени решенија кои би им служеле за благосостојба и потребите на граѓаните на општина Тетово.
За наредната година таа посочи дека ќе се работи на подобрување на патната инфраструктура.
-Ќе продолжиме со градежните работи за пробивање на бул. Индустриска од Спортскиот центар до градската касарна, а со тоа ќе се овозможи и алтернативна вон-градска рута за тешките товарни возила, кои покрај сообраќајниот хаос значително придонесува за загадување на амбиенталниот воздух. Овој многу важен инфраструктурен проект сега ги помина сите формални фази и процедури за набавка, а неговата имплементација се очекува да започне во април следната година. За следната година започнеме со експропријација на имотот на граѓаните за отворање и пробивање на булеварот „Благоја Тоска“, од Клиничкиот центар до крстосницата на текстилното училиште, кој воедно е еден од најважните проекти за надминување на проблемот со сообраќајниот метеж во градот. Аплициравме и се квалификувавме успешно на сите повици за грантови на централната власт, така што во 2020 година ќе извршиме реконструкција и асфалтирање на некои патишта во градот, како што се: Јане Сандански, ул. Гоце Делчев, ул. 29 ноември, ул. Од Клиничка болница до улицата Дервиш Цара, како и ул. Гоце Стојчевски.
Арифи очекува во 2020 да се пуштат во употреба автобусите за новото градско претријатие за превоз.
А.С