Тетовската градоначалничка Теута Арифи не даде коментар за предметот на државното обвинителство во кој осум лица се осомничени за злоупотреба на службена положба и овластување во врска со државно земјиште во Тетово. Дел од осомничените се лица вработени во општина Тетово.
„Според наши информации се работи за предмет од 2012 година додека за другите прашања и информации треба да дадат органите кои ја спорведуваат постапката. Има органи кои ја водат постапка со повеќе информации, рече Арифи која денес направи годишен осврт на сработеното.
Според соопштението на Обвинителството осумината осомничени овозможиле правно лице-спортско здружение да се стекне со право на сопственост на градежно земјиште со површина од 4410 м2 откупувајќи го по цена од 43,00 денари за 1м2 или во вкупна вредност од 188.307 денари , а на штета на средства на Буџетот во висина од 52.920.000 денари.
A.С