54 годишник од тетовска Брвеница е тешко повреден во сообраќајна несреќа вечерва околу 17.30 часот откако изгубил контрола врз возилото и удрил во метална ограда на излез од градот кон Скопје. Тој се движел по булеварот Маршал Тито, а излетувањето се случило кај подвозник каде има излез од делницата.
-Ж.З од Брвеница управувајќи автомобил “бмв” загубил контрола и удрил во метална ограда која го дели булеварот Маршал Тито. Поради тешките повреди кои ги здобил како итен случај веднаш е однесен на скопските клиники, информира Марјан Јосифоски, портпарол на СВР Тетово.
Интервенираа и тетовските пожарникари. Увид започна да вршат претставници на Обвинителството.
Вчера на истиот булевар Маршал Тито, кон центарот,тешко повреден беше 57 годишен пешак од Тетово. Тој беше удрен од возило “ланчија”, управувано од 33 годишник од Глоѓи.
А.С