Културно уметничкото друштво „Брвеница“ од истоименото тетовско село со традиционален годишен концерт вечерва го одбележа празникот Свети Атанасиј. Покрај домаќините во спортската сала на ОУ „Коста Рацин“ настапија фолклорните ансамбли „Китка“ од Ораовица и „Млади Подарешани“ од Подареш, КУД „Младост“ од Кичево како и неколкумина естрадни уметници.
-Целтта на КУД “Брвеница” е негување на македонскиот фолклор, традиција, обичаи, песна, оро и музика и пренесување на помладите генерации. На традиционалниот концерт настапивме со повеќе поречки игри, егејски игри, Тресеница и други сплетови. Во рамки на можностите годинава и ние ќе учествуваме на други фолклорни манифестации, изјави музичкиот директор Блаже Мишевски.
Во КУД “Брвеница” учествуваат повеќе од 50 членови.
А.С
