Програмска трибина на СДСМ „Агенда-Воздух 20-24“ се одржа вечерва во Тетово како дел од 11 вакви средби со граѓаните кои ги најави партијата.
Во Тетово говореа Јани Макрадули, заменик-министер за животна средина и просторно планирање, Аријанит Џафери од Еко Герила, Каја Шукова, претседател на Комисијата за животна средина, професор Дејан Мираковски, од Универзитетот „Гоце Делчев“ – Штип како и Коста Петров, потпретседател на СДСМ.
-Имаме добри закони само имплементацијата е многу лоша, а средства нема никакви. Голем проблем е што не се алоцираат средства со изговор дека нема пари, а се даваат за казина. Другото е важно е културата не неказнивност да престане, треба луѓето и функционерите да сносат одговорност пред лицето на правдата поради смртните случаи како и и поради заболување на децата, бремени жени и стари лица. Повеќе се работи на хартија, импелентиација на терен останува иста последните 10 или 15 години. Треба да се раздвижат работите, не заради ЕУ што бара туку поради здравјето на нашите граѓаните и нашите животи, изјави Аријанит Џафери од невладината организација Еко Герила.
На прашањето за неказнивост заменик министерот за животна средина и просторно планирање Јани Макрадули истакна декае потребна таква промена.
-Мораме во зимскиот па не и само во зимскиот период да имаме 24 часовен инспекторат.Тоа е нешто што очигледно додека ги промените навиките, тоа да треба да го направиме со закон или со казни или со подигнуавње свест. Очигледно со кампањите тоа е тешко, треба уште да се направи. Тоа мора да биде, рече Макрадули.
Заменик министерот истакна дека параметрите на загаден воздух во 2019 е намален но и дека тоа не треба да ја задоволи јавноста туку да охрабри уште поголемо подобрување.
-Факт е дека јавни институции се загреваат на нееколошки начин, тие се мапирани., наша обврска што ја преземаме до крајот на мандатот е да нема да има јавна иинституција што ќе го загадуѕва воздухот. Во рамки на планот за чист воздух тендецијата е спрравување со извори на загадување бидејќи не постои друг начин,рече тој.
Панелистите на трибината потоа и одговораа на прашања на присутните. Во другите градови ќе следуваат средби на другите теми.
А.С
