Според проектот од 2017-та тротоарите на булеварот Илирија (Маршал Тито) требаше да наликуваат на шеталиште како во светските метрополи, но три години потоа се уште се далеку од реализацијата, објави ТВ 21.
Не се довршени ни тротоарите, ни местата предвидени за зелени површини. Наместо тоа се уште има расфрлани и недоуредени бекатон плочки. Од општина Тетово велат причината за состојбата е судскиот процес што се води со компанијата изведувач.
Заедно со ова шеталиште, проектот предвидуваше зелени површини, 73 столбови за јавно осветлување, 12 фонтани со вода за пиење, 75 метални штитници за стеблата на дрвјата, 22 корпи за отпадоци, 32 конструкции за паркирање велосипеди и 233 дрвени клупи за граѓаните.
Фотографии од Порталб.мк
