Селата Раотинце, Копанце и Шемшово кои се во рамки на општина Јегуновце останаа без снабдување со вода во текот на денот поради поголем дефект. Вработените во општинската служба за комунални дејности веќе работат на отстранување на дефектот со цел побрзо нормализирање на водоснабдувањето.
-Поради појава на дефект во резервоар „Јегуновце 2“ од регионалниот водовод на општина Јегуновце во прекин е водоводната мрежа која ги снабдува со вода за пиење населените места Раотинце, Копанце и Шемшово. Причината е во ткн. спратна табла односно дефект во делот од водоводот чии мотори работат на електрична енергија и го одржуваат системот да работи, соопштија од општина Јегуновце.
