Татко во полиција пријавил дека неговиот син во основно училиште во Тетово е нападнат со тврд предмет, од ученици во друго одделение информира денес СВР Тетово
-Вчера С.С.(48) од Тетово пријавил дека околу 9 часот и 50 минути во тетовско основно училиште, по завршување на големиот одмор, во ходникот на училницата во која учел, неговиот малолетен син бил физички нападнат од тројца малолетници. Напаѓачите, инаку ученици во истото училиште, користеле и тврд предмет, а едниот од нив, по завршување на наставата, уште еднаш се обидел да го нападне. Сега се преземаат мерки за целосно расчистување на случајот, се вели во денешното соопштение на СВР Тетово.
Инцидентот се случил во ОУ „Лирија“ во Тетово од каде го потврдија настанот.
-Во врска со инцидентот се преземени педагошки мерки според законските обврски и случајот е пријавен во полиција, истакаа од раководството на училиштето.
Според информации од родители на ученици станува збор за меѓуетнички напад.
