Со свечена церемонија беше означен почетокот на новата академска година во Универзитетот во Тетово. Со музички настап и симболично предавање на 12 индекси на по еден студент од сите програми Универзитетот им посака добредојде на студентите во првата година од високото образование.
-Ние денес живееме во време на брз глобален развој, и сме дел од динамично општество, па затоа сме обврзани да одговориме на предизвиците на глобализацијата. Универзитетот во Тетово посвети внимание на овој процес со цел да ги унапреди студиските програми и академскиот процес, во согласност со западните стандарди, како и развојот на академскиот кадар и истражувачката дејност. Образовно-научна понуда на Универзитетот во Тетово, современите услови на студирање, меѓународниот престиж, активното учество во меѓународни програми за високо образование, стипендии за десетици категори на студенти и други олеснувања, стимулираа и мотивираа илјадници млади студенти да дојдат тука, истакна ректорот Вулнет Амети во поздравниот говор до новите студенти и академскиот кадар.
По свечениот пречек студентите ја започнаа новата академска година во просториите на соодветните факултети.
