Општина Тетово соопшти дека на денешниот прв состанок на меѓуинституционалното координативно тело се донесени одлуки за преземање мерки за заштита од ширење на корона вирусот. Започната е дезинфекција на сите детски градинки, дневни центри за деца, основни и средни училишта која утре треба да се прошири.
-Во петок 13.03.2020 година ќе започне дезинфекција и дератизација на јавни места и објекти на територијата на општина Тетово. Ова е мерка на претпазливост која е потребна за да се спречи ширењето на вирусот корона.Општина Тетово ќе го минимизира бројот на административен персонал и ќе ги ослободи од работа ранливите категории од овој вирус како лица со хронични болести. Општина Тетово започна со дезинфекција на сите детски градинки, дневни центри за деца, основни и средни училишта на територијата на општина Тетово, информираат од локалната самоуправа.
Од општина Тетово апелираат до граѓаните да се придружуваат до мерките на претпазливост и превенција кои ги препорачаа институциите.
А.С
