Можноста за финансирање на истражувачки проекти во основните и средните училишта од Фондот за иновации и технолошки развој (ФИТР) беше презентирана денес на инфосесија во општина Тетово.
Две тетовски училишта лани добиле средства на повикот насловен “Предизвик за млади истражувачи”.
-Целта е да ги поттикнеме учениците заедно со наставниците и менторите, на креативно размислување и успешно реализирање во односн на наставни програми на тоа што го учат. Освен предизвикот за млади истражувачи, во ФИТР имаме и Фонд за млади умови, изјави Неда Икономова Гаврилоска од ФИТР.
На изминатите два повика наградени се 54 училишта од целата држава и опфатени 500 ученици. Во Тетово тоа се средното стручно Моша Пијаде и основното училиште Лирија.
-Ги поттикнуваме учениците да се пријават и се надеваме на голем број апликации. Поттикнувањето на креативноста е во склоп со нашите образовни политики за покреативен обраазовен процес, изјави Ахмед Ќазими, од општинскиот сектор за јавни дејности.
Ова е трет повик на Фондот,од каде износот за награди на училиштата изнесува 6 милиони денари.
А.С
