Полициски службеници на СВР Тетово-Отсек за превенција вчера спроведоа конкретни превентивни активности на планот на откривање, спречување и санкционирање на нелегалното набавување и продажба на петарди и други пиротехнички средства во градот, информираа од тетовската полиција.
Биле посетени повеќе импровизирани тезги за продажба на новогодишни реквизити, поставени на улиците како и специјализирани продавници и киосци во централното подрачје во кои се нудат најразлични вакви реквизити
-На овдешните трговци им беше советувано да се воздржат од продажба на пиротехника, зашто во спротивно ќе се соочат со соодветни поднесоци и со кривично-правни последици. При посетата, сопствениците на тезгите и продавниците поблиску беа запознати со законските импликации доколку вршат продажба на пиротехника и посебно на малолетни деца, а истите беа предупредени и за можните кривични и прекршочни санкции од продажба и активирање петард. Слични активности ќе се реализираат и во наредниот период, со цел да се придонесе за справување со нелегалната продажба и активирање на пиротехника пред и за време на престојните празници, информира Марјан Јосифоски, портпарол на СВР Тетово.
Активностите се реализираа и на тетовските улици „Маршал Тито“, „Видоја Смилевски-Бато“, како и на тетовскиот Зелен пазар.
