Реализацијата на магистралниот гасовод во реонот на Тетовско достигнува 40 отсто и се очекува брзо напредување поради решените предмети поврзани со експропријацијата. Ова го истакна министерот за транспорт и врски Горан Сугарески при денешната посета на Тетовско каде увиде како се одвива обновата на патот до Попова Шапка.
-Изградбата на капитални проекти е врвен приоритет на нашата Влада во моментов се работи во сите сфери и во патната инфраструктура и во железничката инфрструктура и гасоводната. Задоволен сум од динамиката на тоа што се случува со магистралниот гасовод ако ги гледаме аспектите на тоа што бидејќи тука во Тетово. Добро оди динамката на изградба на гасоводната магистрална мрежа од Скопје Тетово, Гостивар. Ланската година решени голем број предмети од експропријацијата што беа сериозен проблем. Овој дел од гасоводот чини 29 милиони евра и реализацијата е околу 40 проценти, рече Сугарески.
Тој истакна дека со градоначалничката Теута Арифи разговорале и за тоа како оди процедурата за дистрибутивна мрежа во градот.
-Очекуваме наредната година институциите да бидат први кои ќе се приклучат на гасоводот. Се разбира ако општината ги направи нивни работи да можат да бидат приклучени прво институциите, а потоа и домаќинствата во Тетово,рече Сугарески.
Александар Самарџиев
