Минатата 2023 година точно 4644 активни членови позајмиле 29726 книги во тетовската библиотека „Кочо Рацин“, а направиле и 3221 пат продолжувања на рокот на зајмување.
Библиотекарката Елизабета Трпческа Петрушевска анализирајќи ги податоците за 2023 година вели дека од 4644 активни членови, 2145 се од одделот за возрасни, а 2499 во одделот за деца.
-Од нив 1037 се читатели кои за прв пат се запишале во библиотеката или повторно се запишале по подолг период на пауза. Годината ја завршивме со традиционалното прогласување на Најдобар читател-Читател за 2023 година. Наградени беа вкупно 20 членови и тоа 8 од одделот за деца и 12 од одделот за возрасни кои припаѓаат на различни категории односно средношколци, студенти, пензионери, вработени и невработени, информираше Елизабета Трпческа Петрушевска, библиотекарка.
Лани библиотеката купила или добила многу нови книги.
-Од купените книги до сега има обработено и можат да се зајмуваат 428 наслови, односно 1312 книги. Но, сè уште имаме купени книги кои се во постапка на обработка и инвентарирање, така да точната бројка на купени нови книги ќе ја имаме до крајот на месецот. Исто така, обработени се вкупно 389 наслови, односно 429 книги, кои се добиени како подарок од нашите роднокрајни автори, донација од читатели или се добиени од Министерството за култура, информираше Елизабета Трпческа Петрушевска, библиотекарка.
Наградени читатели во одделот за возрасни се Сара Стефановска, Божица Пандиловска, Елсија Умери, Лидија Петровска, Ивона Неделкоска, Виолета Данајловска, Елма Зеќири, Семра Имери, Хатиџе Ејупи, Редон Абдији, Мирадије Ајети Заими и Зејнел Шабани,
Од одделот за деца за најдобри читатели се прогласени 8 читатели и тоа: Јона Мемиши, Ѓон Фејзулахи, Вероника Закоска, Матеј Младеноски, Марија Божиноска, Хана Решити, Ригон Тачи, Реа Тачи.
АС