Празнувањето на денешниот ден посветен на Свети Атанасиј во храмот во Брвеница започна со вчерашна вечерна богослужба во 16.00 часот, а во 22.00 часот почна читање на акатистот на Свети Атанасиј и трикратен опход со литија.
-Денес со почеток во 7 часот парохискиот свештеник протојереј Ивица Спасеновски започна Утрена,а во 08.00 отслужи Света Божествена литургија. Во 10 часот митрополитот тетовско-гостиварски г. Јосиф присуствуваше на благословување и режење на кумските колачи, информираат од храмот.
Дел од празнувањето е братска и сестринска трпеза на љубовта, дарувана од овогодишните кумови . Настапија и играорците од КУД „Брвеница“.