Дафина Стојаноска од Брвеница: Гордана Силјановска-Давкова е жената која ќе спаси Македонија и ќе ја постави на вистинско место
Во Брвеница носителката на листата со кандидати за пратеници Дафина Стојаноска и кандидатот за пратеник од Тетово, Александар Велјановски ја промовираа кандидатурата на Гордана Силјановска-Давкова за претседател.
„Со Александар Велјановски во Собранието учевме од посветеноста, ангажманост и културата на професорката. Тоа е жената која ќе спаси Македонија и која ќе ја постави на нејзиното вистинско место. Таа е жена која во Собрание водеше жестоки битки и дебати. Жена која умее да разговара на секоја тема и со секого. Жена која никогаш не импровизираше и не прифаќа убеедување без основани аргументи.Секогаше беше подготвена да сослуша и дебатира, но никогаш не прифати наметнато мислење. Жена со став, жена со визија, жена со лидерски способности, истакна Дафина Стојаноска од Брвеница.
Кандидатот за пратеник од Тетово, Александар Велјановски од митингот во Брвеница рече дека разликата меѓу Гордана и Стево е огромна и дека изборите се ретка шанса за промени.
„Тие секогаш ветуваат а потоа забораваат, а ние не ветуваме туку се обрзуваме за кажаното. Пендаровски има рејтинг од 0,2 % а професорката ја има најголема поддршка досега. Гледаме дека слоганот на Стево е „Наш претседател“ што значи претседател на СДС и ДУИ. Ние за разлика од нив велиме Македонија повторно горда, Гордана за претседател, ие велиме да ја вратиме гордоста на Македонија“, истакна Велјановски од Брвеница.