Денот на ослободување на Тетово 19 ноември беше одбележан и со традиционалното оддавање почит пред Споменикот на победата (Споменик на револуцијата) посветен на загинатите борци од тетовскиот регион во Народно-ослободителната и Антифашистичка војна. Беше оддадена почит со положување цвеќе и минута молк пред спомен обележјето.
Настанот го организираше општинската организација на Сојузот на борците од Тетово.
-Одбележуваме 78 години од Денот на ослободувањето на Тетово, а со самото тоа и конечното ослободување на Македонија. Во присуство на голем број на граѓани, Армијата, делегации на здруженија и организации пред Споменикот на Револуцијата го одбележуваме овој светол датум од нашата историја, информираа од Општинската организација на Сојузот на борци од Тетово.
Во пресрет на денот на ослободуавњето вчера беше организирана свеченост на која по подоло време организаторите од Сојузот на борците од Народно-Ослободителната Борба (НОБ) и граѓаните продолжувачи доделија признанија „19 Ноември “за граѓаните за нивниот придонес за градот.
Признанија добија четворица граѓани за животно дело, а доделени беа уште шести исти такви одличја за особен придонес во одредена област.
ас