Соопштение на СВР Тетово 20 февруари 2024
Четириесет и деветгодишната тетовка А.И. вчера (19 февруари) во СВР Тетово пријавила дека на улица „Борис Кидрич“ во Тетово нејзиниот малолетен син бил каснат од куче скитник.
Полициски службеници на СВР Тетово, вчера (19 февруари) околу 19.40 часот на улица „Љуботенска“ во Тетово го привеле 31-годишниот тетовец С.Џ.. Тој бил баран по централна потерница врз основа на судска наредба за издржување на двегодишна затворска казна за сторено кривично дело „тешка кражба“ по член 236 од Кривичниот законик. Лицето ќе биде спроведено во Казнено-поправната установа Затвор Идризово во Скопје за издржување на казната.
Вчеравечер (19 февруари) околу 22.50 часот на локалниот пат за тетовско Камењане, полициски службеници на СВР Тетово го лишиле од слобода 47-годишниот Ф.И. од тетовско Горно Седларце. При негов и преглед на патничко моторно возило „фолсксваген поло“ со тетовски регистарски ознаки, кое го управувал, биле пронајдени и одземени кокаин и марихуана. Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок.
Полициски службеници на СВР Тетово вчера (19 февруари) во 15 часот 55 минути го лишиле од слобода 48-годишниот тетовец С.Ф., кој претходно бил пријавен од неговата 24-годишна ќерка дека физички ја нападнал и ѝ се заканувал. Задржан е во Полициската станица Тетово за расчистување и документирање на случајот и против него ќе следува поднесок.
Педесет и петгодишниот Р.Ф. од тетовска Мала Речица вчера (19 февруари) во 20 часот и 30 минути во СВР Тетово пријавил дека пред семејната куќа во Мала Речица физички бил нападнат од три лица, негови роднини. Се преземаат мерки за расчистување и документирање на случајот.