Претседателот Стево Пендаровски, на церемонија во Кабинетот во Скопје, денеска го додели признанието „Успешни млади“ за 2021 година. Меѓу осумте добитници, двајца се од Тетово.
Во категоријата „Млад талент“ признанието го доби Македон Димитровски, ученик во трето одделение во основното училиште „Лирија“ од Тетово.
изнание за постигнат особен успех и за афирмација на инклузијата доби Нина Костовска.
Во своето обраќање на церемонијата претседателот Пендаровски рече дека како припадници на новата генерација македонски интелектуалци, овие млади луѓе се дел од креативното малцинство кое има потенцијал да направи значајни пробиви во своите области.
-Овие успешни млади луѓе се позитивен пример за нивните врсници, но и за генерациите што допрва доаѓаат. Нивниот пат до успехот не е ни малку лесен, бидејќи бара време и посветеност во континуитет. И затоа од државата мора да биде соодветно награден и вреднуван. Имено, токму тоа е главната цел на признанието „Успешни млади“ – да ја поттикне научната, истражувачката и креативната работа на младите“, рече претседателот Пендаровски.
Признанието „Успешни млади“ се доделува по трет пат за резултати постигнати во изминатата календарска година во областа на општествените, природно-математичките и техничките, хуманистичките и на медицинските науки, на млади со значајни достигнувања во уметничките и во културните практики, како и во категориите млади иноватори, таленти и успешни млади со попреченост.
