СВР Тетово информира дека ноќеска (19 декември), педесетина минути по полноќ, полициски службеници на СВР Тетово лишиле од слобода 44 годишник од тетовско село, кој бил пријавен од неговата сопруга и син дека околу 23 часот и 30 минути во семејниот дом физички ги нападнал. Тој е задржан во Полициската станица Тетово за расчистување и целосно документирање на случајот, по што против него ќе следува соодветен поднесок.
Полициски службеници на СВР Тетово вчера (18 декември) во 17 часот и 30 минути, во тетовски Пирок лишиле од слобода 45-годишник од ова село, кој претходно бил пријавен од 38-годишната жена а потоа и од нејзиниот малолетен син, дека им се заканувал и физички го нападнал малолетникот. Приведениот задржан е во Полициската станица Тетово за расчистување и документирање на случајот.
