На 22.07.2023 во 20.40 часот било пријавено дека на регионалниот пат. с.Пршовце – с.Јегуновце се случила сообраќајна несреќа помеѓу патничко возило „опел астра“, управувано од З.Б.(54) од с.Копанце, тетовско и патничко возило „форд“, управувано од З.М.(63) од с.Старо Село, тетовско, двете со тетовски регистарски ознаки, информира МВР.
Во несреќата со тешки телесни повреди се здобила сопатничка од возилото „форд“, М.М.(36) од с.Старо Село, а со телесни повреди се здобила уште една сопатничка од истото возило, С.М., констатирани во Клиничката болница Тетово. Извршен бил увид од увидна екипа од СВР Тетово, информира Министерството за внатрешни работи.
