Преполна сала, френетичен аплауз, диплома за најдобар актер, одлични рецензии и бројни медиумски настапи – вака успешно помина учеството на Летечка театарска трупа и претставата „Момчето со пругасти пижами“ на „Фестивалот на фестивалите“ во Требиње, Босна и Херцеговина.
„Диплома за најдобар актер по оцена на жирито од публиката за Владимир Јованоски во улогата на Франц Вајсман, управникот на логорот, во претставата „Момчето со пругасти пижами“ на Фестивалот на фестивалите во Требиње, БиХ. Френетичен аплауз и море од емоции во преполна сала на 67. Фестивал на фестивалите во Требиње за нашата претстава. Стручната фела, реномирани професори, драматурзи и режисери на тркалезна маса со длабинска театарска дисекција на идејата, играта, техниката и пораката од претставата. Критиката одлична и инспиративна. Испишана една цела страница, не чекаат нови, порачаа од Летечка театарска трупа.
Публиката во Требиње во понеделникот вечерта ја потресе темата за холокаустот и шокантните страдања на децата во претставата „Момчето со пругасти пижами“, пишуваа тамошните медиуми.
https://radiotrebinje.com/vijest/razgovori-poslije-predstave-djecak-u-prugastoj-pidzami?lang=lat
Во понеделникот, неколку часа пред изведбата во Требиње, актерите учествуваа и на театарското дефиле на отворена сцена со сегмент од претставата.
Годинава „Момчето со пругасти пижами“ на Драмскиот аматерски фестивал ДАФ во Кочани доби Гран при и награда за најдобра режија.
Гран при и награда за најдобра режија за претставата „Момчето со пругасти пижами“
ас
фото Културен центар Требиње