Членот на Извршен комитет и пратеник од Велес Игор Здравковски се приклучи на средбите со граѓаните во Тетово кои ги имаа кандидатите за советници на ВМРО ДПМНЕ предводени од носителот Ангел Карапетров.
-Денес сме во посета на Тетово, градот кој по многу нешта е различен и уникатен, но се соочува со многу големи проблеми години наназад, за да дадеме поддршка на советничката листа на ВМРО-ДПМНЕ на претстојните локални избори.Без разлика на етничката и верската припадност на граѓаните, тие се соочуваат со исти проблеми. И македонските и албанските и сите други мајки плачат по своите чеда заминати од родната грутка поради лошите политики. И Македонците и Албанците и сите останати имаат проблем со водата, паркинзите и урбаната мафија, ги делиме истите проблеми кои за жал се многубројни, ја делиме истата судбина и сите заедно бараме спас од шарлатанското владеење на власта, порача Здравковски.
Тој истака дека во сабота на 20.8, потребно е сплотување на сите граѓани на Тетово околу листата на ВМРО-ДПМНЕ со бр.2 и носителот Ангел Карапетров, за подобрување на квалитетот на животот на граѓаните на Тетово, за враќање на достоинство и подобра иднина на младите.
