Иницијативата „Тетово сака парк“ со порака до Општина Тетово по повод посетата на косовската претседателка.
-Пред посетата на Тетово на г-ѓа Османи, им предлагаме на Oпштината и на градоначалникот г. Касами да ѝ го покажат градскиот парк, па и заедно да засадат дрво – добро позната пракса и пријателски гест во современиот свет. Доколку ова изгледа премногу нормално за г. Касами или му текне дека нема парк во неговиот град, нека се разгледа предлогот на високата гостинка да ѝ биде покажан нашиот урбанистички дострел „Девастирано централно градско подрачје“ како и „Суспендиран ДУП (ШИК ’Јелак‘) на кој несуспендирано се гради“, велат од граѓанската иницијатива.
Тие од 2022 година се залагаат за формирање на нова површина во градот како парк.