Вчеравечер и ноќеска (27/28 јануари) од 23 до 5 часот на подрачјето на СВР Тетово спроведена е акциска контрола на возачите – дали и колку од нив ги управуваат возилата под дејство на алкохол.
При контролата откриени и санкционирани се вкупно 15 возачи (ТЕ-11 и ГВ-4) кои ги управувале возилата под дејство на алкохол, од кои кај најголемиот број (ТЕ-7 и ГВ-2) биле измерени до еден и пол промили алкохол во организмот, односно крвта, а кај 1(ТЕ) до два промили алкохол.
Портпаролот Марјан Јосифоски информира дека сите прекршители веднаш се исклучени од сообраќај, времено им се одземени возачките дозволи и изготвени им се соодветни поднесоци со парични глоби кои се движат од 225 до 375 евра во денарска противвредност.
![](https://tetovoinfo.mk/wp-content/uploads/2020/06/Марјан-Јосифоски-2.jpg)
-Секторот за внатрешни работи Тетово повторно апелира до возачите да се воздржат од консумирање алкохол ако управуваат моторни возила, зашто во спротивно ќе ја доведат во ризик сопствената и безбедноста на другите учесници во сообраќајот, а пред се возачите-почетници, но и сите други, порача портпаролот Јосифоски.
При контролата, исто така, бил санкциониран и 31 друг вид сообраќаен прекршок (ТЕ-20 и ГВ-11).