СВР Тетово во денешното соопштение информира за две сообраќајни незгоди.
Вчеравечер (13 декември) во 21 часот и 50 минути во СВР Тетово пријавено е дека на регионалниот пат Јажинце – Тетово, во тетовско Доброште, патничко моторно возило „ауди“ со тетовски регистарски ознаки, управувано од 60-годишниот Г.Б. (42) од тетовска Стримница, удрило во С.Р. од тетовско Доброште. Во несреќата, пешакот С.Р. се здобил со тешки телесни повреди констатирани во тетовската Клиничка болница. Увид извршила екипа од СВР Тетово.
Ноќеска (14 декември ) во 1 часот во СВР Тетово е пријавено дека на регионалниот пат Тетово-Волковија, во тетовски Челопек, патничко моторно возило „фолксваген лупо“ со гостиварски регистарски ознаки, управувано од 25-годишниот Д.Ј. од ова село, изгубило контрола и излетало од коловозот. Во несреќата, возачот Д.Ј. се здобил со тешки телесни повреди констатирани во тетовската клиничка болница каде бил пренесен за укажување на лекарска помош. На местото на несреќата увид извршила екипа од СВР Тетово.