Вчера (3 октомври) од 14 до 19 часот на подрачјето на СВР Тетово спроведена е акциска контрола за неправилно и непрописно престигнување, во која биле откриени и санкционирани 23 прекршоци (ТЕ-8 и ГВ-15). Најголемиот број од прекршоците се однесувале на престигнување на забранети места (ГВ-15), а 8 (ТЕ) на други начини на престигнување.
Со соодветни поднесоци биле заокружени и 8 (ТЕ) други видови сообраќајни прекршоци, со напомена дека за непрописно и неправилно престигнување предвидени се парични глоби кои се движат од 45 до 250 евра во денарска противвредност.
Секторот за внатрешни работи Тетово со апел до возачите да внимаваат кога и каде престигнуваат, зашто токму непрописното престигнување често пати е причина за сообраќајни несреќи со сериозни последици, особено ако станува збор за непрегледни кривини и долги колони на возила. Се апелира, исто така, да ја прилагодат брзината според условите на патот и навреме да ја проверат техничката исправност на нивните возила.
