Книгата „Јубилеите на шарпланинското село Брезно“ од авторот Злате Савески ќе се промовира во понеделник 28 август во тетовското планинско село Брезно во рамки на одбележување на црковниот празник Успение на Пресвета Богородица. Промоцијата ќе се одржи во црковниот двор на храмот Успение на Пресвета Богородица по завршување на утринската празнична богослужба.
-Станува збор за книга со која сакам да се остави трага за селото преку една публикација. Опфатени се три јубилеи – 170 години од населување на сегашната локација на Брезно, 130 години од отворање на училиштето и 100 години од осветувањето на црквата Успение на Пресвета Богородица. Ги обратив тие три теми, информира авторот Злате Савески.
Промотор на книгата ќе биде етнологот Вања Димитриевски. Ова е втора книга на Савески посветена на селото од кое потекнува.
ас