Министерот за здравство Фатмир Меџити со директорите на Клиничката болница Илир Демири и Блерим Османи одржаа прес-конференција на која соопштија дека се завршени работите за два тамошни оддели и една амбуланта.
Новинарите кои работат за медиумите на македонски јазик во Тетово не добија покана за овој настан од Министерството за здравство. На прашање до директорот Илир Демири зошто е направена поделба и се повикани само медиумите на албански јазик во порака по телефон кратко одговори дека е пропуст на ПР на Клиничка болница Тетово.
Дел од медиумите на албански јазик ја пренесуваа прес-конференцијата во живо. Минситерот Меџити додека ја прочита официјалната информација подготвена за настанот и на албански и на македонски јазик.
-На пациентите им се овозможуваат услови наликуваат на големите медицински центри низ Европа. Тетовската болница добива два комплетно опремени и реновирани оддели за гинекологија и неонатологија и една комплетно опремена и реновирана амбуланта. Политиките кои ги креираме се за натамошно унапредување на состојбата на здравствениот систем. После 20 години Клиниката во Тетово ќе ги прима пациентите во реновирани простории опремени со сите потребни други придружни и санитетски простории за соодветено сместување и болничко секојдневие на пациентите, изјави Фатмир Меџити.
фотографиија-скриншот од Фејсбук пренос во живо
новинар Александар Самарџиев