Секторот за внатрешни работи Тетово вчеравечер и ноќеска (24/25 ноември) спроведе уште една од серијата планирани акциски контроли на возачите – дали и колку од нив ги управуваат возилата под дејство на алкохол.При контролата откриени и санкционирани се вкупно 10 возачи-прекршители (ТЕ-4 и ГВ-6), од кои кај 1 возач (ТЕ) биле утврдени до 2 промили алкохол во организмот, односно крвта, а кај преостанатите до 1 или 1 и пол промили.
-Сите се веднаш исклучени од сообраќај и изготвени им се соодветни поднесоци со парични глоби од 225 до 370 евра во денарска противвредност, а времено ќе им бидат одземени и нивните возачки дозволи од три месеци до една година. Санкционирани, исто така, биле и 24 други видови сообраќајни прекршоци (ТЕ-15 и ГВ-9), информира портпаролот Марјан Јосифоски.
![](https://tetovoinfo.mk/wp-content/uploads/2020/06/Марјан-Јосифоски-2.jpg)
Вчера (24 ноември) од 8 до 20 часот на подрачјето на СВР Тетово спроведени се повеќе контролни активности за брзина со која се движат возилата, во рамките на кои биле санкционирани 22 пречекорувања на максимално дозволената брзина надвор од населено место ( ТЕ-15 и ГВ-7).Притоа еден возач (ТЕ) пречекорил за повеќе од 70 километри на час, 5(ТЕ) за 50 до 70 километри на час и така натаму.Санкционирано, исто така, било и 1 пречекорување на пропишаната брзина (ТЕ) во населено место, како и 25 други видови сообраќајни прекршоци (ТЕ-21 и ГВ-4).
-Секторот за внатрешни работи Тетово повторно апелира до возачите да не консумираат алкохол доколку планираат да ги користат или веќе ги користат нивните возила, без разлика на поводот и се друго, да ја прилагодат брзината според условите на патот и непотребно да не брзаат.Ова, дотолку повеќе што следуваат дождливи и снежни денови кога коловозите се лизгави и кога е потребно внимателно движење со возилата, посебно оние кои ќе патуваат кон Стража, Маврово или Попова Шапка, вели портпаролот Марјан Јосифоски.