Kултурно уметничкото друштво „Кирил Пејчиновиќ“ од Теарце во сабота, 16.09.2023 година ќе организира мултиетнички целовечерен концерт. Учество ќе земат културно уметнички друштва со членови од македонска, албанска, ромска и турска етничка заедница.
-Учество ќе земат културно уметничките друштва „Кирил Пејчиновиќ“,(македонско) КУД „Јехона“, (албанско) КУД „Џеладин Зеќири“, (албанско и турско), КУД „Пралипе“ (ромско). На концертот секое од културно уметничките друштва ќе се претстави со свои кореографии и постановки. Во рамките на концертот ќе се организира Саем на традиционална храна и изработки со изработки од Теарце и Полошкиот регион, а учество ќе земат и културно уметничките друштва кои ќе бидат гости на концертот, но и локално население кои ќе имаат можност да ги изложат, информираат од КУД „Кирил Пејчиновиќ“.
Почетокот на Саемот е во 17 часот, додека концертот почнува во 18:00 ч. Влезот за посетителите ќе биде бесплатен. Настанот ќе се одржи во спортската сала на О.У. „Кирил Пејчиновиќ“- Теарце.