СВР Тетово информира дека малолетник од Тетово вчера (5 септември) во 17 часот пријавил дека петнаесетина минути пред тоа во близина на тетовско средно училиште бил физички нападнат од неколку лица, кои ги познавал. Се работи на расчистување на случајот.
Вчера (5 септември) во 14 часот и 10 минути, полициски службеници на СВР Тетово ги лишиле од слобода тетовците П.Б.(73), Б.Б.(44) и 68-годишната В.Б., а го привеле и 78-годишниот В.А од тетовски Бродец. Претходно, поради нерасчистени должничко-доверителски односи, тие го нарушиле јавниот ред и мир со предизвикување и учество во физичка пресметка. Тие се задржани во Полициската станица Тетово за целосно расчистување и документирање на случајот, по што ќе следуваат соодветни поднесоци.