Министерството за внатрешни работи објави меѓународна потерница за Беким Мемети од Тетово, затвореник за убиство, кој вчера побегна откако со пиштол рани полицаец.
– Мемети Беким род.30.01.1986 год. во Тетово, каде и живее на ул.„115“ бр.8, кој се бара за бегство од КПУ Идризово за сторено кривично дело по чл. 123, чл.396 и чл.215 од КЗ на РСМ, стои во објавата на МВР.
Во 2018 година веќе осудениот Б.М. тогаш на 30 години според информација на МВР учествувал во пресметка по што пукал со огнено оружје убил и убил 37 годишник, а 34 и 39 годишни мажи биле ранети. Во 2020 бил осуден на 20 години затвор.
МВР соопшти дека на 12.01.2023 г. во 23.20 ч. четворица вработени во Затворска полиција кои биле со комбе „форд транзит“ на Затворската полиција побарале помош од полициски службеници на СВР Скопје, откако, според нивната пријава, додека вршеле спровод на осуденик Б.М. , од КПУ Идризово кон Ургентен центар „Мајка Тереза“, на автопатот, осуденикот му го одзел пиштолот на возачот И.Х. (вработен во Затворска полиција), пукал и го ранил И.Х..