Звукот од употребата на пиротехничките средства има огромно негативно влијаение кај децата со потешкотии во развојот и аутизам и затоа е важно да не се употребуваат, објаснуваат и алармираат стручните лица. Од силниот звук на петардите и п,иротехничките средства кај нив се јавуваа разни видови последици како страв, вознемиреност, агресија, напади, испади, автоагресивни испади и друго.
-Лицата со аутизам, како и лицата со потешкотии во развојот имаат потешкотии при процесуирање на јаки сензорни дразби, како што се аудитивни (изненадна бука) или визуелни (силна светлина). Заради тоа, многу често и најмала стресна состојба може да предизвика бурна реакција. Најчести реакции на вакви дразби се претерана нервоза, вознемиреност,страв. Силните сензорни дразби , доколку лицето има сензорни проблеми ги доживуваат болно. Силните дразби многу често го менуваат нивното однесување, објаснува Милица Серафимовска, дефектолог.
Сведоштвата на родителите и стручните лица се различни, но и алармантни.
-Некои лица реагираат со панични стравови, општа вознемиреност, плачење, агресивни и автоагресивни испади. Лицата ги затвораат ушите, се јавуваат и стереотипни движења, повторувачки фрази, нарушен сон, наручена дневна рутина, која е многу значајна за функционирање на лицата со аутизам и сензорни пореметувања.Новогодишните празници за многу семејства се „ноќна мора“ и наместо празниците да носат радост во сечиј дом, во овие семејства носат солзи, повреди и користење на многу лекови за смирување, потенцира дефектологот Милица Серафимовска.
За време на празниците, најчесто лицата со аутизам се затворени дома, за да се заштитат од овие силни и непредвидливи дразби.
Тетово инфо во соработка со дефектологот Милица Серафимовска ја покренува оваа информативна кампања со цел да се подигне јавната свест за некористење на пиротехнички средтва, затоа што сите луѓе заслужуваат весели празници.
Фотографија-pixabay.com
