Соопштение на СВР Тетово
Вчера (17 октомври) од 11 до 16 часот на подрачјето на СВР Тетово спроведена е акциска контрола на возила кои вршат јавен превоз на патници, во која биле откриени и санкционирани 3 возила (ТЕ) со неисправни сопирачки и 1 возило (ГВ) со неизвршен технички преглед. Технички неисправните возила веднаш се исклучени од сообраќај и изготвени им се предвидените поднесоци со парични глоби кои за овој вид прекршок изнесуваат 400 евра во денарска противвредност. При контролата, исто така, санкционирани се и 4 (ТЕ) други видови сообраќајни прекршоци.
Секторот за внатрешни работи Тетово со несмален интензитет и овој месец продолжува и со контролите на брзината со која се движат возилата надвор и во населено место. Во изминатите девет месеци од годинава, на пример, на поширокото тетовско подрачје вкупно биле изречени 5714 мерки за пречекорувања на максимално дозволената брзина, а на гостиварското 3161 мерка, додека 3418 возила биле подигнати од тетовската „пајак-служба“ за непрописно, односно погрешно паркирање, најмногу во таканаречени „двојни редови“, во зона на крстосници и на други недозволени места.
Неприлагодената брзина и паркирањето, пред се во централното подрачје на Тетово ќе бидат приоритетни цели и во следните денови и адекватно ќе се санкционираат сите возачи-прекршители.