Во акциската контрола спроведена на подрачјето на СВР Тетово вчеравечер и ноќеска (14/15 октомври) од 23 до 4 часот вкупно биле откриени и санкционирани 16 возачи (ТЕ-10 и ГВ-6) кои ги управувале возилата под дејство на алкохол.Кај најголемиот број од нив (ТЕ-5 и ГВ-2) биле констатирани, односно измерени од 1 до 1 и пол промили алкохол во организмот.Сите возачи-прекршители кои управувале под дејство на алкохол веднаш се исклучени од сообраќај и изготвени им се поднесоци со парични глоби, кои за овој вид прекршок, согласно Законот за безбедност на сообраќајот на патиштата, се движат од 225 до 375 евра во денарска противвредност.
Покрај тоа, времено им се одземени и возачките дозволи.При контролата биле откриени и со соодветни поднесоци заокружени и 13 други видови сообраќајни прекршоци (ТЕ-8 и ГВ-5).
СВР Тетово и натаму ќе спроведува вакви и други контроли, а до возачите упатува апел да не консумираат алкохолни пијалаци доколку управуваат возила, без разлика на поводот за веселба и слично или ако веќе консумирале да не седнуваат зад волан.Зашто, алкохолот мошне негативно влијае на нивната способност за безбедно управување, а ја доведува во ризик и безбедноста на другите учесници во сообраќајот.