Денеска (23 мај) од 8 до 13 часот на подрачјето на СВР Тетово спроведена е акциска контрола во која вкупно биле откриени, санкционирани и исклучени од сообраќај 6 технички неисправни возила (ТЕ-4 и ГВ-2).Три од нив имале неисправни сопирачки (ТЕ-2 и ГВ-1), 1 (ГВ) возило неисправни светлосни уреди и 2 (ТЕ) други технички недостатоци. На возачите-прекршители изготвени им се поднесоци и ќе се соочат со предвидените парични глоби и други мерки. При контролата, исто така, биле санкционирани и 2 (ТЕ) лица кои ги управувале возилата без положен возачки испит и валидна дозвола за тоа, како и 10 (ТЕ) возачи кај кои биле утврдени други недостатоци.
Во рамките на денешните контролни активности биле санкционирани и 30 (ТЕ) и 1 (ГВ) непрописно, односно погрешно паркирани возила, прекршоци кои се заокружени со адекватни поднесоци. СВР Тетово со апел и потсетување до возачите навреме да ја проверат техничката исправност на возилата пред тргнување на пат и без да поседуваат возачки дозволи, а и да ја прилагодат брзината според условите на патот.
