Секторот за внатрешни работи Тетово со апел и потсетување до возачите дека од денеска (15 ноември) започна нивната законска обврска за задолжително поседување и носење на пропишаната зимска опрема, а која ќе се применува до 15 март идната година.
На возачите на патнички возила им се укажува во овој период да располагаат и на тркалата да имаат зимски пневматици со шара со од 4 до 6 милиметри, зависно од тоа за кои пневматици станува збор и со синџири, доколку користат летни пневматици. Истото се однесува и на товарните возила, додека за автобусите предвидено е да поседуваат и лопата.
СВР Тетово ќе ги засили контролите на овој план и на оние возачи кои нема да ја поседуваат законската опрема ќе им се изготвуваат поднесоци со парична глоба од 45 евра во денарска противвредност согласно член 361 од Законот за безбедност на сообраќајот на патиштата.
При влошени временски услови, пообилни снежни врнежи и слично, возачите без ваква опрма ќе се исклучуваат од сообраќај, посебно ако се движат кон Стража, Маврово или Попова Шапка. Ова, со цел да не се создаваат непотребни мешаници на патиштата и да се овозможи непречено одвивање на сообраќајот во регионот и пошироко
