Во ООУ „Гоце Делчев“ во Тетово гости беа учениците со посебни образовни потреби во придружба на своите образовни асистенти во соработка со координаторот за полошкиот регион Милица Серафимовска кои имаа можност да ја проследат новогодишната приредба која ја подготви училишниот хор.
На децата им беа поделени новогодишни пакетчиња донирани од Кипер маркети и новогодишни честитки кои за нив ги подготвија другарчињата од училиштето.
Исто така беше реализиран и Новогодишен базар на кој учениците од прво до петто одделение ги имаа изложено своите новогодишни ракотворби, како и домашно приготвени слатки од страна на родителите.