Дивата депонија од складиран градежен шут кај стариот градски стадион започна да се отстранува од ова место, информираа од тетовската локална самоуправа. Од таму нема информација каде ќе се носи овој вид на смет, но велат дека пределот околу стадинот ќе добие нов лик.
-Продолжуваат работите за чистење и отстранување на дивата депонија на улицата „Благоја Тоска“, поточно во близина на стариот градски стадион. Местото каде купиштата смет на дивата депонија веќе неколку години ги мачи граѓаните и ја загадува околината наскоро ќе добие нов лик каков што му доликува на градот, информира од Општина Тетово.
Оваа депонија се создаде во текот на 2021 година, при што се истовараа разни видови градежен отпаден материјал, но и остатоци од асфалт, бетонски плочки и слично.
ас
