Во петок, 4 април со почеток во 15:00 часот Општина Тетово ќе организира прва јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците. Секој предлог од граѓаните е важен и помага овој процес да биде инклузивен и успешен за граѓаните и градот Тетово. Заедно, отворено, транспарентно разговараме и даваме предлози“, се вели во повикот на Општина Тетово.
Претходно на 10 февруари Општина Тетово објави повик, граѓаните по електронски пат до 10 март да достават предлози за преименување на улици во Општина Тетово, кои веќе имаат определено име и именување на новите улици.
Советот на Тетово лани во август формираше работна група за преименување улици кои веќе имаат определено име и именување на улици на кои името им е определено со бројка. За оваа одлука гласаа 28 советници од 31 член.
Сојуз на борци и граѓани продолжувачи од Тетово бара да нема промена на имиња на улиците во Тетово од антифашистичкото минато на градот.
Касами не отстапува.
СДСМ најави дека нема да учествува во преименувањето на улиците.
