Претседателот Стево Пендаровски при денешната посета на Универзитетот во Тетово порача законот за игри на среќа нема го потпишал поради сериозноти укажувања на ЕУ дека се злоупотребува можноста со европско знаме во скратена постапка да се носат закони. Рече дека ако пратениците повторно расправаат и го усвојат со 61 глас за, тогаш ќе го потпише изменетиот закон за игри на среќа.
-Пред месец дена Европската комисија значи Европска унија од Брисел праќа писмо до Владата. И вели во процедура во собрание имате закон со кој практично се злоупотребува европското знаме, бидејќи таква европска директива нема. Меѓутоа, пратениците тераат до крај, го усвојуваат тој закон. Пред неколку дена доаѓа европскиот амбасадор кај мене и ми вели, ова е злоупотреба уште една во серија на европското знаме, чиј никој не спори дали е законот добар или лош вели, не смее да биде злоупотребувано европското знаме. Ако сакаме да одиме во Европска унија, мораме пред да станеме членки да се однесуваме како прави европјани. Вели ова е на балкански начин, а во извештајот за вашиот прогрес во октомври, што се објавува секоја година, имаме серија критики зошто некои закони ги носиме на таков начин. Мора да има прецизна европска директива со број и датум кога е донесена. Во овој случај такво нешто нема и затоа треба законот да оди во редовна процедура и да не трае само 2, 3 дена, целата расправа, само тоа е. Не велиме дали е добар или лош законот како содржина може да е одличен, истакна Пендаровски од Тетово.
На прашањето како го оценува законот лично, Пендаровски рече дека не навлегува во тоа, бидејќи имал писмена примедба од Европска унија дека се злоупотребува европското знаме.
-Бидејќи јас сум легалист за мене најважна работа тоа да го нема. Се друго може кога ќе иде во редовна процедура ќе ги чуеме аргументите и на едните и на другите и македонската јавност ќе ги чуе и ќе заклучиме што е најдобро за неа. Не навлегував во содржината ви кажувам, го вратив заради тоа што беше злоупотребено европското знаме. Имаше критики и има забелешки дека наводно тоа е направено со измените на кривичниот законик, меѓутоа таму постои јасна европска директива во делот на конфискација на имотот, рече Пендаровски.
На обвинувањата на ДУИ дека непотпишувањето е приказна за мали деца, Пендаровски им порача дека е сериозна забелешката на ЕУ.
-Јас не мислам дека писмен допис од Брисел за било кого тука во земја кандидат која преговара за членство во Европска унија може да се каже дека е приказна за мали деца. Според мене тоа е сериозно укажување. Кое не би смеело како однесување да го повторуваме понатаму, одговори Пендаровски.
За околу пет до десет дена ќе се знае дали Пендаровски ќе се кандидира за нов претседателски мандат.
ас