Тетовската полиција информира дека вчера животот го загубил 22 годишник од Порој, а еден малолетник е повреден откако се превртел тракторот со кој се превезувале. Настанот се случил во на земјен пат во месноста „Плоче“ во атарот на Порој.
-Вчера околу 13 часот и 50 минути во тетовската Клиничка болница бил донесен починат Ф.М.(22) од тетовски Порој. Според утврденото во увидот, Ф.М. со уште четири други лица од истото село се превезувале со трактор „имт 539“ со тетовски регистарски ознаки, што тој го управувал. На земјен пат во месноста „Плоче“ во атарот на Порој, тој изгубил контрола, по што тракторот се превртел, а од здобиенте повреди Ф.М. починал на место, додека со повреди се здобил и еден малолетник кој, исто така, бил на тракторот,информира Марјан Јосифоски, портпарол на СВР Тетово.
Увид извршиле екипа од СВР Тетово и јавен обвинител, по чија наредба телото било дадено на обдукција.
ас