Тетовските полицајци денеска учестуваа во крводарителска акција на која беа собрани 15 единици крв. За прв пат крв дарувале и дел од новите полициски службеници.
-Со овие акции, вработените во СВР Тетово уште еднаш на дело ја искажаа нивната несебичност, хуманост и солидарност и на најконкретен начин партиципираа во континуираните напори и активности за афирмација и унапредување на крводарителството на пошироките полошки простори. Она што посебно охрабрува е дека меѓу крводарителите значителен е бројот на нови, млади полициски службеници кои даруваат дел од себе за да спасат други животи, информираше портпартолот Марјан Јосифоски.
Акцијата се спроведе од 9 до 13 часот во Секторот за внатрешни работи Тетово и претставува втора ваква активност за годинава. Заедно со претходната акција вкупната бројка на собрани единици изнесува 43.
ас
