Соопштение на СВР Тетово 18 март 2024
Полициски службеници на СВР Тетово, вчера (17 март) околу 14 часот и 30 минути на локалниот пат за тетовското село Требош го привеле 35-годишниот М.А. од Требош, кој бил баран по централна потерница врз основа на судска наредба за издржување на едногодишна затворска казна за сторено „тешко дело против безбедноста на луѓето и имотот во сообраќајот“ казниво по член 300 од Кривичниот законик. Лицето е спроведено во Казнено-поправната установа Затвор Тетово за издржување на казната.
Вчеравечер (17 март) околу 22 часот и 50 минути на крстосница од улица „Видое Смилевски-Бато“ со улица „29 Ноември“ во Тетово, полициски службеници на СВР Тетово го привеле 34-годишниот К.М. од гостиварско Дебреше, кој бил баран по централна потерница врз основа на наредба од Казнено – поправната установа Затвор Идризово во Скопје за доиздржување на затворска казна од 2 години и 10 месеци за сторено кривично дело „тешка кражба“ по член 236 од Кривичниот законик. Лицето било спроведено во установата за доиздржување на казната.
Вчеравечер (17 март) околу 21 часот во тетовско Камењане, полициски службеници на СВР Тетово го привеле 30-годишниот Ф.Р. од тетовска Голема Речица. При преглед во возило „фолксваген голф“ со тетовски регистарски ознаки, кое го управувал, биле пронајдени два ножа, а непоседувал и документи за идентификација. По целосно документирање на случајот на Ф.Р. ќе му бидат изготвени соодветни поднесоци.
Шеесет и седумгодишниот тетовец Д.Д., вчеравечер (17 март) во 22 часот и 30 минути во СВР Тетово пријавил дека околу 9 часот и 45 минути во близина на тетовската Клиничка болница, каде се изведувале градежни работи, физички бил нападнат од две лица. Според пријавеното, причина за тоа биле нерасчистени имотно-правни односи со установата, за што се водел и судски спор. Се расчистува и документира случајот.
Вчера (17 март) во 14 часот, С.С.(57) од тетовско Желино во СВР Тетово пријавил дека околу 10 часот и 30 минути во угостителски објект во селото бил физички нападнат од неговиот соселанец Б.У., поради нивни поранешни недоразбирања. Се преземаат мерки за целосно расчистување и документирање