Полициски службеници на СВР Тетово, вчера (25 јануари) од 10 до 14 часот спровеле акциска контрола на пешаците и нивното однесување во сообраќајот. При контролата откриени и санкционирани се вкупно 17 прекршоци (ТЕ-10 и ГВ-7).
Најголемиот број од прекршоците (ТЕ-6 и ГВ-7) се однесувале на преминување на улиците надвор од обележани премини, а 4 (ТЕ) на непочитување на светлосните сообраќајни знаци. На сите пешаци-прекршители изготвени им се соодветни поднесоци со парични глоби кои се движат од 35 до 50 евра во денарска противвредност, како и покани за нивно учество на таканаречена сообраќајна поука.
При контролата, исто така, санкционирани и 2 (ТЕ) други видови сообраќај ни прекршоци.
Секторот за внатрешни работи Тетово повторно со апел до пешаците целосно да ги почитуваат сообраќајните знаци, правила и прописи и да ги преминуваат улиците само на обележани премини. Се советуваат, исто така, да се придржуваат на светлосната сигнализација на крстосниците и внимателно да се движат по патиштата и улиците на кои нема обликувани тротоари. На возачите, пак, им се укажува секогаш да им даваат предност, односно да ги пропуштаат пешаците и да не ја доведуваат во ризик сопствената и нивната безбедност.